報章：明報
網址：報導原文網址
1952年成立嘅民安隊已有62年歷史，由於民安隊下設少年團，唔少學校都招攬學生加入，以培訓學生紀律同服務精神，但一直只限於華語學生。為推動種族融和，民安隊主動同明愛屯門馬登基金中學合作，招募非華語學生，並成立首支非華語少年團隊伍，學生來自巴基斯坦、菲律賓、尼泊爾等地亞裔人士，雖然膚色、宗教同文化背景唔同，但目標一致，就係要鍛煉自己服務社會。
巴裔生加入 擴圈子感開心
民安隊少年團參事謝錦源話，由於非華語學生普遍較內向，所以佢哋主動接觸學校，期望幫助非華語學生衝破隔膜融入社群。為咗尊重唔同宗教對服飾嘅要求，少年團會微調制服；每星期少年團會集訓一次，內容包括步操、繩結、攀山、急救技巧、升掛國旗區旗等。
喺香港土生土長嘅巴基斯坦裔學生夏珍妮話，中一時已經好想加入制服團隊，但因為爸爸擔心制服團隊唔准囡囡戴頭巾，所以反對，直至5月民安隊招募佢加入，終於得償所願，亦令佢有更多機會接觸講中文嘅同學仔，擴闊咗社交圈子，令佢好開心。
巴裔生加入 擴圈子感開心
民安隊少年團參事謝錦源話，由於非華語學生普遍較內向，所以佢哋主動接觸學校，期望幫助非華語學生衝破隔膜融入社群。為咗尊重唔同宗教對服飾嘅要求，少年團會微調制服；每星期少年團會集訓一次，內容包括步操、繩結、攀山、急救技巧、升掛國旗區旗等。
喺香港土生土長嘅巴基斯坦裔學生夏珍妮話，中一時已經好想加入制服團隊，但因為爸爸擔心制服團隊唔准囡囡戴頭巾，所以反對，直至5月民安隊招募佢加入，終於得償所願，亦令佢有更多機會接觸講中文嘅同學仔，擴闊咗社交圈子，令佢好開心。
