報章：蘋果日報
網址：報導原文網址
教育局局長吳克儉早前稱難以做到學生「零功課」；四邑商工總會新會商會學校就趁五一勞動節的長週末自行舉辦「無功課日」，教導學生自主學習與時間管理。學習，其實絕不只做功課一條路。
位於石硤尾的四邑商工總會新會商會學校，應香港基督教服務處深東樂Teen會邀請，趁五一勞動節的長週末舉辦學校「無功課日」；屆時學校將不會向學生派發任何功課，即學生可由4月29日至5月2日，享受4日「零功課」時間。
學校副校長李嘉榮接受訪問，指學校早前已舉辦工作坊，教導學生自主學習與時間管理，又稱「無功課日」不等同教師、學生「冇嘢做」，「我哋會要求學生自己計劃番無功課日時想做啲咩，可能係啲平日因為多功課而做唔到嘅事」。學生無論是想做運動、出街玩、看圖書，還是只是想休息「Hea吓」，只要時間善用得宜，統統都得。
李又指「無功課日」在港是新概念，惟外國如加拿大、台灣早已推廣相似概念，如台北市2015年就宣佈小學取消寒假功課，改由學生按興趣制訂功課內容。李又對傳統「做功課等同學習」的教育概念有所保留，「功課當然有佢嘅價值，可以鞏固學生知識，但大前提係一定要適量，唔應該過量；經常性過量做功課會影響學生學習動機同興趣，其實，做功課只係學習嘅其中一種工具，但唔係唯一一種」。
對於學校舉辦「無功課日」，該校學生小六的杜欣桐、小四的譚旭宏與小五的呂健通均大呼支持，直言「唔鐘意功課」、「做功課好煩、阻住我玩」、「有時做功課會做到手痛」。其中譚旭宏就指多功課時「每日都有7至8樣」，又稱每日只有15分鐘自主時間，不足夠他去游水、打籃球與手球；呂健通則指平日喜歡到公園跳繩，「但係每日留校同返屋企做功課，落到去公園都冇哂人同我玩」。
杜欣桐指平日母親會督促她做功課，這次有4日自主時間會計劃與母親逛街；譚旭宏就祈求4日假期「唔好落雨」，「咁屋企人就可以帶我去馬灣，嗰度環境好，可以俾我去游水、燒嘢食」；呂健通就希望利用「無功課日」去香港歷史博物館與香港科學館看展覽。三人又指會趁「無功課日」在家打機、看電視、摺紙，實行輕輕鬆鬆度過4日假期。
