報章：明報
網址：報導原文網址
【明報專訊】踏入2017年，唔少人定下新一年大計，工聯會理事長吳秋北嘅新年計劃之一，就係喺元旦日起用毛筆抄寫《基本法》，唔通佢都想學王國興，以書法抒懷？吳秋北同Emily講，佢要教囝囝練書法，自己梗係要做個榜樣先啦。至於佢手字好啲定係囝囝天分高啲，佢就話細路仔練習咗無耐，唔可以咁比較嘅。
「每次抄一條，持之以恆」
吳秋北噚日喺facebook上載佢嘅書法相，並留言話﹕「元旦起實行手抄基本法計劃，釋放正能量，吾誰與歸？」又話「第二日……每次抄一條，持之以恆！」Emily就問佢，如果練書法，點解唔揀大師作品臨摹，而選擇抄基本法咁dry？一向打住愛國愛港牌頭嘅秋北就話，今年係香港回歸20周年，抄寫條文多啲認識係好事，而基本法只有160條，得閒抄吓，好快抄完。
既然咁鍾意寫大字，咁佢會唔會趁住農曆新年，去年宵花市幫手寫揮春畀街坊呢？秋北就好謙虛咁話自己手書法未夠班，話幫街坊寫揮春梗係留畀議員做啦，驚自己去幫手反而會搞亂檔喎。
「每次抄一條，持之以恆」
吳秋北噚日喺facebook上載佢嘅書法相，並留言話﹕「元旦起實行手抄基本法計劃，釋放正能量，吾誰與歸？」又話「第二日……每次抄一條，持之以恆！」Emily就問佢，如果練書法，點解唔揀大師作品臨摹，而選擇抄基本法咁dry？一向打住愛國愛港牌頭嘅秋北就話，今年係香港回歸20周年，抄寫條文多啲認識係好事，而基本法只有160條，得閒抄吓，好快抄完。
既然咁鍾意寫大字，咁佢會唔會趁住農曆新年，去年宵花市幫手寫揮春畀街坊呢？秋北就好謙虛咁話自己手書法未夠班，話幫街坊寫揮春梗係留畀議員做啦，驚自己去幫手反而會搞亂檔喎。
