報章：明報
網址：報導原文網址
臨近開學，開學費用令唔少基層家長好頭痛。工聯會社會事務委員會早前訪問咗501個基層家庭家長，了解有關費用對佢哋嘅影響，結果顯示，為咗應付開支，超過六成家長話會少啲外遊同娛樂，一半人會節衣縮食，而有19名受訪者話會問人借錢。
工聯會喺7月20日至8月3日期間做問卷調查。超過七成家長話仔女嘅平均開學費用超過2000元，有三成仲高過4000元！開學費用包括學費、書簿費、校服費、託管及補習費、膳食費及交通費等。提到財政壓力，以10分為最大壓力、1分無壓力，書簿費、託管及補習費分別高達7.39分同7.35分。
七成人指開學費用逾2000
社委主任兼立法會議員郭偉强話，𠵱家學費、補習費同交通費等都有不同增幅，大大加重基層家庭負擔，早前仲有報道指買齊一套中一課本連參考書要近4700元。
立法會議員鄧家彪認為政府應該幫吓基層家長，包括向月入低過3萬嘅家庭發放一次過津貼，而學校、社區中心等地方亦應延長服務時間，支援一下基層家長。
工聯會喺7月20日至8月3日期間做問卷調查。超過七成家長話仔女嘅平均開學費用超過2000元，有三成仲高過4000元！開學費用包括學費、書簿費、校服費、託管及補習費、膳食費及交通費等。提到財政壓力，以10分為最大壓力、1分無壓力，書簿費、託管及補習費分別高達7.39分同7.35分。
七成人指開學費用逾2000
社委主任兼立法會議員郭偉强話，𠵱家學費、補習費同交通費等都有不同增幅，大大加重基層家庭負擔，早前仲有報道指買齊一套中一課本連參考書要近4700元。
立法會議員鄧家彪認為政府應該幫吓基層家長，包括向月入低過3萬嘅家庭發放一次過津貼，而學校、社區中心等地方亦應延長服務時間，支援一下基層家長。
