報章：蘋果日報
網址：報導原文網址
接連有學生輕生，公眾除認為應檢討教育制度外，對於充當把關角色的危機熱線亦十分關注。提供24小時社工熱線輔導的明愛向晴軒表示，學生求助數字有增加，會在電話輔導同時作風險評估，有即時危險將會報警，正計劃與大專院校合作，成立專線處理學業壓力問題。
明愛向晴軒向晴熱線18288提供24小時危機輔導服務，電話由註冊社工負責接聽。負責熱線的註冊社工吳子樂表示，過去來電者以中年人居多，但近日學生求助者數字有顯著增長，「讀書、家庭咩都有，唔單止係學業壓力。」
吳指出，自殺或有多個成因，如過去受過創傷、性格衝動固執、對未來看法負面、傳媒大肆報道自殺等，如有突如其來的事件如學業、感情等問題，隨時成觸發點引爆壓力。
當社工接聽電話後，會即時進行包括自殺評估的多種評估，「有啲人會直接講佢哋想要自殺，好似已經準備咗啲工具、企咗係天台咁，有啲就唔會講，要靠經驗去判斷。」他稱社工亦會主動詢問，如「你有冇諗過放棄生命」或「有冇諗過自殺」等，認為提問不等於提醒要自殺，「但你唔問就永遠都唔會知。」
若電話另一方有即時危險，社工會按情況報警求助，「為咗保住佢呢一刻安全一定要咁做，可能救咗佢之後佢對生命睇法會有唔同。」若無即時危險，社工會嘗試勸服對方，「睇佢應唔應承放棄（自殺念頭）」。
向晴報線同一時間會有3至4名社工候命，吳指不時會有人濫用服務，「有啲人夜媽媽純粹想搵人傾計，就會打去唔同熱線」，或會造成線路繁忙，令有需要人士未能接通。
吳對年輕人輕生事件頻生感到痛心，已與不同大專院校合作，在校內張貼熱線海報，並舉行講座教育學生如何辨識身邊人有無自殺風險，正研究設立專線為學生提供專門的輔導。
