報章：明報
網址：報導原文網址
初生BB對語言非常敏感，但大大吓就會減低對非母語語言嘅敏感度。為咗進一步了解以廣東話為母語嘅BB嘅語言發展里程，香港大學最近招募緊0至1歲以廣東話作母語嘅BB，至少需要300至500個。
香港大學言語及聽覺科學部「言語、語言和閱讀實驗室」做緊一項有關嬰兒語音發展嘅學術研究，極需大量1歲以下嘅BB作研究對象。測試過程有兩部分，首先喺BB前播套簡單動畫，配以廣東話畀佢聽，觀察BB聽到不同字詞嘅敏感度；第二部分係錄低媽咪（或照顧者）同BB嘅對話。媽咪得閒可以嚟多幾次，否則嚟一兩次都得，全程都可以陪住BB，是次研究唔會對BB帶嚟任何不良影響或風險。
負責帶領研究嘅言語及聽覺科學部副教授佟秀麗話，呢個係同類研究中首個以廣東話為題嘅研究，希望結果可以幫助了解小朋友學語文學得較好或者較差嘅原因。有興趣嘅家長可以填寫網上報名表（https://goo.gl/forms/gkyZAxtgSqpCdPSk2），獲選參加研究嘅BB可得100蚊書券同獎狀，亦可優先參加「免費言語工作坊」。
