報章：蘋果日報
網址：報導原文網址
「點解喺學校可以發生呢啲嘢，7歲人仔喎，一年班啱啱開學有幾耐？咁你哋認為𠵱家會影響佢心智有幾大……」軒仔母親昨憶述當日驚悉兒子被欺凌的經歷時心痛不已，她昨接受訪問期間數度落淚，稱會替兒子轉校，「唔可能再擺佢喺度（學校），驚佢會死」。
擬替兒子轉校
余太形容兒子自開學以來斷斷續續被多名同學欺凌，有同班同學、也有高班及隔籬班的學生。軒仔原本喜歡坐校車，上月卻突然不肯坐，堅持要母親接送，其後才知他在校車上遭人欺負。「第二個星期（兒子）已經俾人丟到成身都係粉筆……跟住第二次就成個書包都係蠟筆」。事後她向學校查詢事件，但對方稱沒證人，亦一直拖着沒處理，最近她見兒子常常哭但不愛說話，已想到他可能被同學欺凌，但未想過情況如此嚴重。
對於軒仔遭同學欺凌，余太稱百思不得其解，因兒子雖然說話不太流利，但經評估可以入讀主流學校，指「兒子性格樂天，鍾意玩，邊個小朋友唔百厭㗎！」她又說由於擦膠仍未取出及耳朵有血、發炎，軒仔昨晚仍在叫痛，要食消炎藥。
說到兒子現時的情況，余太開始落淚，表示曾經以為兒子是天天哭所以哭紅了眼睛，想不到是受了傷，她希望學校認真處理事件，但不論結果怎樣，她都考慮為兒子轉校，「佢（兒子）曾經講過話喺天堂度等我，一個7歲小朋友點解突然間講啲咁偏激嘅嘢，好驚佢有一日又突然咁同我講呢句說話」。
