報章：蘋果日報
網址：報導原文網址
當年有份推動「求學不是求分數」的前教統局職員程沛玉（Rita），兩年前身體力行，在深水埗創辦社企昭悅教室，以正職補貼開支，鼓勵學生邊玩邊學。惟教室被業主逼遷、新租盤亦未能完成牌照申請，Rita心灰意冷，決定9月關閉教室，有學生未知事件，仍笑說「要返多（教室）1,000日，無限日」。
昭悅教室透過不同活動推動自主學習和愉快教學，讓學生學做人先於做家課。今年暑期班，一眾小學生自行構思籌款活動，下周將到街頭賣藝及義賣自己的書籍玩具，為緬甸貧困學生募捐。午飯時段他們會自備飯碗到毗鄰的深水埗明哥餐廳吃飯，採訪當日7歲的晞晞與記者分享紅豆糕，又主動搬椅子；惟這間標榜愉快學習及同理心的教室，卻不容於社會。
教室學生大多就讀初小，部份來自綜援家庭。Rita指創辦初期學生人數少，但不想基層家庭未能接受教育，兩年前後共補貼數十萬元營運，「其實係咪一定要讀好書，有好分數，考上大學再出嚟搵份工呢？我想話畀佢哋聽，唔一定得呢條方程式」。
Rita說，教室先被舊業主連屋帶租約「賣豬仔」予新業主，但新業主欲收回單位自用，「原定兩年租約係去到9月底，年頭同業主傾好咗早一個月，即8月底交（回單位）」惟業主突要求提前於8月初搬走，甚至表明「我唔理你，你有心搞搬去第二度」，又叫她「邊裝修邊上堂」。
網上平台繼續教育
Rita於6月租下長沙灣一單位，着手申請教育牌照，「睇單位時見到有少少漏水，當時地產經紀話冇事，又話會開電、裝窗花，所以就信佢；點知7月15號上到去單位正中央漏緊水，咁我又點畀消防睇，點申請教育牌？」其後經紀不斷拖延維修，她最終未能趕及9月前將教育牌轉到新址。
Rita心灰意冷，決定9月關閉教室，惟她強調不怪責業主，僅慨嘆港人重私利、漠視道義，「佢哋唔覺得違反租約有問題，亦唔會諗一個月對人哋影響有幾大；租約固然係表因，但我覺得大家都只係維護自己嘅高牆，只諗私利，唔講道義，我唔需要每個人都做好人，亦唔需要施捨，我只望每一個人都做番個正常人」。
9月後她將轉型網上平台繼續教育，「小朋友需要一個好嘅土壤，一個道德界線；小朋友曳，其實我哋係同佢講道理，而唔係鬧佢，學生學緊嘅就係呢一件事」。
優點教育增學生信心
Rita在2004年獲教育統籌局（即現時的教育局）邀請策劃「求學不是求分數」，惟最終愉快學習發展未如理想，她遂於2009年離開政府，現任職於婦女基金會，並創辦社企昭悅教室，成為她的「教育理念陳列室」。
Rita採用正向心理學，引導學生從玩樂中學習知識，提起他們對學習的好奇心。回想學生生涯，Rita曾被英文教師點名「問到口啞啞」，她笑言當時「好唔開心，又唔知自己錯乜」，長大後從事青少年工作，才明白香港的教育為「缺點教育」，着重替學生增強弱項，故她創立昭悅，望以「優點教育」助學生建立自信心。
「如果每日學生都做緊佢最弱嘅項目，咁只會消磨自信心；優點教育意思係喺你做得最好最鍾意嘅科目培養信心，慢慢等學生培養自己嘅方向」，Rita說。
自訂課堂規則學自理
昭悅除安排講故事、科學實驗、小廚神等邊玩邊學的課堂內容，最特別就是學生可自行設計課堂規則，部份課堂內容更交學生構思、實踐。家長Kat指女兒晞晞到教室一年後，無論對學習的興趣、時間規劃及自理能力亦提高。
「以前佢（女兒）又唔鍾意做功課，日日做到8、9點，成日問我做功課為乜」，但現在「雖然成日玩，但又學識自己安排時間，仲好鍾意嚟教室上堂」。
Kat特別欣賞教室不會過份保護學生，「好多中產家長成日好保護小朋友，又要畀好環境，又唔畀佢群壞人；但其實做父母嘅唔可以保護佢一世，最好係教佢哋分辨黑白」。她又指女兒曾為教室拖地洗廁所，看見她學會照顧別人，比以前更有同理心。
