報章：明報
網址：報導原文網址
一連5日嘅動漫展噚日開鑼，吸引咗唔少人入場，大會要分批畀人入去。唔好以為動漫係男生嘅專利，展內嘅《星光樂園》攤位就有唔少10幾歲嘅小女孩排隊比賽，換領特別版遊戲卡。有小朋友話，遊戲嘅角色好靚，之前已經花咗差唔多1萬蚊買遊戲產品，噚日一日就用咗380蚊買卡。
12歲嘅黃小朋友話，噚日專程嚟參加《星光樂園》比賽，仲花咗380蚊買新嘅遊戲卡。佢話之前已經為遊戲花咗約1萬蚊，每逢有新款遊戲卡都會買，𠵱家已經有400幾張卡。佢又話，遊戲要透過配搭唔同嘅卡攞高分，好有挑戰性，加上啲角色好靚，所以鍾意玩呢款遊戲。
佢媽媽黃太都一齊入嚟動漫展，佢話用萬蚊買遊戲卡可以負擔，又話小朋友「讀書壓力比以前大，要畀適當娛樂」。不過，黃太都擔心囡囡會過分沉迷，所以限佢周末或長假期先可以玩。
放假先畀玩 媽媽：要適當娛樂
代理《星光樂園》遊戲卡嘅新華行銷售及市場部總監陳先生話，《星光樂園》一向係公司嘅主打產品，已經儲落一班粉絲，今日都見到人流多咗，估計整體客量比同期上升20%。
香港角川銷售及市場部經理李先生就話，今日客人起碼要排45分鐘先可以入到佢哋個攤位，估計營業額比同期微升1%至2%。佢又話，𠵱家啲人好容易上網睇到漫畫，所以買實體書嘅人少咗，保守希望整體銷量可以提升5%至10%。
12歲嘅黃小朋友話，噚日專程嚟參加《星光樂園》比賽，仲花咗380蚊買新嘅遊戲卡。佢話之前已經為遊戲花咗約1萬蚊，每逢有新款遊戲卡都會買，𠵱家已經有400幾張卡。佢又話，遊戲要透過配搭唔同嘅卡攞高分，好有挑戰性，加上啲角色好靚，所以鍾意玩呢款遊戲。
佢媽媽黃太都一齊入嚟動漫展，佢話用萬蚊買遊戲卡可以負擔，又話小朋友「讀書壓力比以前大，要畀適當娛樂」。不過，黃太都擔心囡囡會過分沉迷，所以限佢周末或長假期先可以玩。
放假先畀玩 媽媽：要適當娛樂
代理《星光樂園》遊戲卡嘅新華行銷售及市場部總監陳先生話，《星光樂園》一向係公司嘅主打產品，已經儲落一班粉絲，今日都見到人流多咗，估計整體客量比同期上升20%。
香港角川銷售及市場部經理李先生就話，今日客人起碼要排45分鐘先可以入到佢哋個攤位，估計營業額比同期微升1%至2%。佢又話，𠵱家啲人好容易上網睇到漫畫，所以買實體書嘅人少咗，保守希望整體銷量可以提升5%至10%。
