報章：明報
網址：報導原文網址
香港學界又有好消息，拔萃女書院學生喺8月代表香港去美國矽谷，參加「創新科技環球挑戰賽（Technovation Challenge）」，佢哋研發畀腦退化症患者同護理人員嘅流動應用程式，喺全球1100隊參賽者中脫穎而出，得到初中組大獎，真係可喜可賀！
「創新科技環球挑戰賽」係目前世界上規模最大、專為10至18歲女仔而設嘅數碼科技創業挑戰賽，拔萃女書院團隊今次得獎嘅「腦退化護理之——友伴同行」流動應用程式，係專為腦退化症患者同埋照顧者而設：程式透過互動遊戲，為患者提供個人化訓練，而照顧者就可以藉此緊貼患者嘅訓練進展同身處位置，家庭成員都可以通過遊戲嘅數字統計，觀察病情進展。
而聖保祿學校學生則以「到訪隊伍」身分入圍半準決賽。
