報章：蘋果日報
網址：報導原文網址
日本著名嬰兒用品品牌Combi的嬰兒牙刷被發現甩毛！有家長初次使用該品牌的嬰兒牙刷，不論是橡膠刷毛或尼龍刷毛，都有甩斷情況，有的殘留嬰兒口中，有的更不知所終，恐已被BB吞下肚裏，嚇煞家長。Combi香港發言人指產品已通過安全測試。
家長黃女士今年3月購入Combi一盒三支裝的分階段嬰兒牙刷，分別供嬰兒4個月、9個月及18個月使用。她的兒子出生第五個月使用第一階段牙刷，刷頭有13條橡膠條，「起初用完唔會睇個刷毛，只記得第一階段（牙刷）用咗唔夠五次，突然發現少咗幾條毛（3條），未甩嘅（4條）都係半斷裂狀態」。黃遍尋「殘骸」不果。
「三個月後轉用第二階段仲誇張，用第二次就甩咗（2條幼細橡膠刷毛），仲即刻搵到1條喺個仔個口入面。」她說，其餘1條已不知所終，「都幾嬲，BB產品嘅規格應該要好高，冇理由咁容易甩（刷毛）」。她已不敢再使用該品牌牙刷。
疑植毛做得差
另一位家長殷太，本月初讓兒子使用第三階段的尼龍刷毛牙刷，「用第一次啲刷毛已經甩，啲毛凸晒出嚟參差不齊」。她修剪凸出的刷毛，一周後再用，發現又再甩毛，「大人牙刷甩毛都唔常見，好詫異咁大個品牌嘅嬰兒產品會咁，最擔心係BB食咗落肚而我唔知道」。
殷太事後曾向品牌代理投訴，惟代理商質疑她存放太久所致。但該牙刷生產於2012年11月，擺放不足一年，殷太說：「平時大人牙刷都唔一定即買即用啦。」
製刷業人士梁先生透露，橡膠刷毛以注塑方式製造，韌度雖及不上尼龍毛，但亦不會輕易斷掉，「一係設計，二係材料，如果差嘅用5次、10次就會斷，不過正常BB牙刷就唔會咁易斷嘅」。
至於尼龍刷毛，梁先生指是以植毛機製造，「常規係預計使用270次，唔會用幾次就甩（刷毛），製造技術唔好先會（甩刷毛）」。梁指牙刷製成後會進行測試，「以1.5公斤嘅力拉住一執刷毛做拉力測試」，但即使通過測試，幼刷毛都有機會因「攝牙」而扯甩，若太易脫落，即顯示植毛做得不好。
Combi香港發言人稱，旗下嬰兒牙刷通過安全檢測才推出市面，因沒有已損毀的牙刷樣辦，所以不能調查是否涉及品質問題；又指刷毛斷掉可能是嬰兒出牙咬斷所致，現時無意回收涉事同型號的牙刷。
海關表示，本港嬰兒牙刷受《消費品安全條例》及其附屬法例所規管，近年雖未有抽查嬰兒牙刷，惟日後不排除檢測相關產品，並會參考國際採用的安全標準來測試嬰兒牙刷，例如中華人民共和國國家標準GB19342-2003。
家長黃女士今年3月購入Combi一盒三支裝的分階段嬰兒牙刷，分別供嬰兒4個月、9個月及18個月使用。她的兒子出生第五個月使用第一階段牙刷，刷頭有13條橡膠條，「起初用完唔會睇個刷毛，只記得第一階段（牙刷）用咗唔夠五次，突然發現少咗幾條毛（3條），未甩嘅（4條）都係半斷裂狀態」。黃遍尋「殘骸」不果。
「三個月後轉用第二階段仲誇張，用第二次就甩咗（2條幼細橡膠刷毛），仲即刻搵到1條喺個仔個口入面。」她說，其餘1條已不知所終，「都幾嬲，BB產品嘅規格應該要好高，冇理由咁容易甩（刷毛）」。她已不敢再使用該品牌牙刷。
疑植毛做得差
另一位家長殷太，本月初讓兒子使用第三階段的尼龍刷毛牙刷，「用第一次啲刷毛已經甩，啲毛凸晒出嚟參差不齊」。她修剪凸出的刷毛，一周後再用，發現又再甩毛，「大人牙刷甩毛都唔常見，好詫異咁大個品牌嘅嬰兒產品會咁，最擔心係BB食咗落肚而我唔知道」。
殷太事後曾向品牌代理投訴，惟代理商質疑她存放太久所致。但該牙刷生產於2012年11月，擺放不足一年，殷太說：「平時大人牙刷都唔一定即買即用啦。」
製刷業人士梁先生透露，橡膠刷毛以注塑方式製造，韌度雖及不上尼龍毛，但亦不會輕易斷掉，「一係設計，二係材料，如果差嘅用5次、10次就會斷，不過正常BB牙刷就唔會咁易斷嘅」。
至於尼龍刷毛，梁先生指是以植毛機製造，「常規係預計使用270次，唔會用幾次就甩（刷毛），製造技術唔好先會（甩刷毛）」。梁指牙刷製成後會進行測試，「以1.5公斤嘅力拉住一執刷毛做拉力測試」，但即使通過測試，幼刷毛都有機會因「攝牙」而扯甩，若太易脫落，即顯示植毛做得不好。
Combi香港發言人稱，旗下嬰兒牙刷通過安全檢測才推出市面，因沒有已損毀的牙刷樣辦，所以不能調查是否涉及品質問題；又指刷毛斷掉可能是嬰兒出牙咬斷所致，現時無意回收涉事同型號的牙刷。
海關表示，本港嬰兒牙刷受《消費品安全條例》及其附屬法例所規管，近年雖未有抽查嬰兒牙刷，惟日後不排除檢測相關產品，並會參考國際採用的安全標準來測試嬰兒牙刷，例如中華人民共和國國家標準GB19342-2003。
