報章：新報
網址：報導原文網址
同Eric傾到咁上下都要走了，又要走番入不屬於自己的奢華藝廊裡。豈知走到盡頭，又有一個似曾相識的角落。原來不是甚麼甚麼國際大型拍賣行、珠寶行或畫廊，而是「香港保護兒童會」，這絕不是那個在街邊跑數的偽慈善機構，而是香港最歷史悠久的非牟利慈善機構之一。咁香港保護兒童會又關藝術品乜嘢事呢？那個略懂中文的外國人跟我解釋，原來係典亞藝博俾個機會佢哋展出託兒學校裡小朋友的藝術作品，從而宣揚機構愛護兒童的宗旨。但唔好睇小細路仔，啲藝術作品真係好靚，顏色斑斕，七彩繽紛，將童真與藝術融合。作品是由義工協助、小朋友創作出來的獨一無二編織藝術，再加上一個蒸籠，裡面畫上每個小朋友的最愛，每個都蘊藏小朋友的心意。你話，佢哋仲唔係未來的藝術家、第二個畢加索？
