報章：壹週刊
網址：報導原文網址
PN班（ Pre-Nursery）即學前預備班，顧名思義，是讓滿兩歲的孩子提早適應幼稚園生活。有家長欲將戒尿片、學自理兼聽指令等訓練求助學校，亦有深信「輸人唔輸陣」的家長紛紛報名。近日更出現一家老少輪流通宵排隊，為子女索取申請表的瘋狂情況，家長一窩蜂將「起跑戰線」由中、小學幼稚園推前至學前教育。有社工指其實只要父母有心教， PN班絕非必修班。
狠心放手 學習成長
曾照顧皓琛八個月的公公回應：「湊咗咁耐，初時梗係唔捨得啦﹗咁細個又未識講嘢就話返學，學得啲咩﹖個孫返咗學之後成日病，有時放學接佢幫佢除口罩時，見佢成面鼻涕，帶佢食下午茶時又狼吞虎嚥，睇見就陰功，都唔知係咪無人理又食唔飽，真係好心痛。」媽咪美賢又何嘗捨得呢﹖不過，她認為：「壞習慣唔好就要改，我相信老師識教，作為家長，想仔女好就要學識放手，加上小朋友病真係避唔到，無得擔心太多。」
眼見皓琛自從返學後，說話表達能力突飛猛進、半年成功戒尿片、自行換褲著鞋等每日小進步，父母亦深感安慰。阿康坦言：「皓琛以前晚晚要哄個半鐘先肯瞓，但返學後生活作息定時有規律，讀咗三個月就肯乖乖自己瞓，我哋先有時間睇吓電視兼做自己嘢。」美賢亦透露：「最開心係學校訓練到佢肯自己食飯，因為學校安排同學圍喺枱食，利用朋輩壓力讓他們互相學習，有次皓琛掛住玩唔食飯，老師知佢識自己食，所以唔會主動餵，最後收起食物，佢先知原來唔食就無人餵，所以第二日即刻乖乖地自己食。你話如果仲係老人家湊，點會捨得餓親個孫呢﹗」
原本怨言多多的公公，亦明顯看到孫兒「大個仔咗」，他笑稱：「佢返學之後講嘢叻咗好多，三歲人仔會問：「點解我啲頭髮黑色，公公啲頭髮白色？」聽到真係笑死我，佢而家又肯自己食飯，最近仲學識揸筷子，大大吓亦無以前咁多病。諗諗吓，其實佢早啲返學都好嘅，等佢同多啲小朋友玩，互相模仿，學嘢都快啲。」
有家長認為 PN班非常有用，但亦有家長覺得根本無需要。 Mandy與丈夫 Ray婚後於一○年誕下女兒恩琳，因夫婦都要外出工作，故將女兒的日常生活交託工人及婆婆照顧。夫婦深明老人家疼錫孫女，縱壞自然少不免，雖然女兒天生性格較慢熱又黐身，有親友建議替恩琳報讀 PN班提早入學，早日接觸群體生活，既可提升自理能力，亦可為爭取心儀幼稚園鋪路，但 Mandy斷言：「我覺得無需要。」
讀足廿年 及時行樂
點解咁大口氣﹖ Mandy認為：「我覺得兩歲咁細個就要返學，真係好辛苦，橫掂遲啲三歲就要讀幼稚園，之後就要一路讀足廿年讀到上大學，咁點解頭三年唔俾佢開開心心咁玩吓先呢﹖」原來 Mandy的理念，曾一度被視為「怪獸家長」，她笑言：「有幾次鄰居知道恩琳兩歲，就問佢响邊度讀書，我答『仲未返學』時，對方即瞪大雙眼表示：『吓，無讀書﹖』，我都唔想同佢解釋咁多，答佢：『係呀，我覺得唔使咁早。』」
爸爸 Ray透露身邊都有不少親戚朋友送子女上 PN班，所以當太太認為囡囡毋須提早入學時， Ray坦言：「我當時都有懷疑係咪真係唔使讀，不過太太好堅持，咁我諗諗吓都同意家教重要過靠學校。」他解釋：「其實 PN班學到嘅，上幼稚園都會學到，你話擔心佢唔識自理，唔識聽指令﹖呢啲都應該响屋企教。只要每日重複教佢，自然會慢慢入腦，例如想佢戒片，我哋就每朝起身叫佢記住尿急的感覺，定時帶佢去廁所，急的時候要出聲，兩歲半已完全戒片；又例如唔准佢入廚房，我哋要解釋有刀有火會危險，雖然佢有時會伸隻腳入嚟試探，但只要次次提，佢就自然唔會入，我哋屋企都唔使裝圍欄。」
慢熱怕醜 總能適應
記者觀察恩琳，發現她進入遊樂場前會乖乖除鞋及整齊放在一旁，其間並無爭先恐後，到快餐店午膳毋須父母餵食，飯後更主動推櫈。 Mandy笑言：「我哋雖然要返工，但放工放假時都會同佢傾偈和同佢玩，陪佢睇故事書教佢 ABC，教佢自己執拾玩具，去完廁所要洗手，出門口同管理員叔叔打招呼，加上我有同佢返教會同報讀 playgroup，多與同齡小朋友和大人相處，所以自理能力同溝通都無問題。」
許多家長都擔心孩子無法考入心儀學校而報讀 PN班，但無提早入學的恩琳，都成功考入名牌幼稚園。上月陪伴囡囡首日 K1上課的 Mandy承認：「我見個女同其他小朋友真係有少少分別，一來佢性格慢熱，二來人哋讀過一年 PN班，對陌生的學校環境無咁驚，老師問問題時會舉手，但恩琳就未咁有反應。不過，小朋友好快就適應啦，我都係堅信我哋嘅決定無錯﹗」
揠苗助長 未贏先輸
香港家庭福利會經理（家庭服務）註冊社工鄭健忠認為：「現時許多家長都要返工，獨留孩子由工人或長輩照顧，每每飯來張口服侍周到，令孩子無論社交及自理學習都缺乏刺激。相反，返 PN班或 playgroup等學前預備班，都可透過遊戲及群體活動，讓幼兒習慣有規律的生活，學習社交禮儀、品德、專注力和情緒管理，以及大、小肌肉的訓練，我本人亦會選擇讓孩子返 PN班。」當然，唔返 PN班，家長亦可自己教，但群體生活可能會較缺乏。鄭舉例：「學校會安排孩子一齊遊戲，就算孩子爭玩具，老師都不會阻止，目的是讓他們明白玩具要分享，以及訓練輪流玩的耐性，若孩子爭玩而出手打人時，老師便會教。當然，家長亦可多帶子女到公園玩接觸同齡孩子，以習慣群體生活。」
有部分 PN班除遊戲學習外，亦會加入學術元素，吸引為了「贏在起跑線」的家長紛紛報讀。鄭健忠笑言：「我聽過有 PN班已經學串英文生字和加減數，有家長認為唔讀就『蝕底』，但其實有外國研究指過早進行正規學習，對孩子日後的學習能力影響不大，相反，若家長見孩子吸收能力較慢而加以催谷或反應過大，反會對孩子構成無形壓力，孩子或會抗拒返學、發噩夢及賴尿等情緒反應，所以，為免減低孩子的求學興趣，家長應循序漸進，替孩子報讀 PN班時，要先了解學校課程，緊記應以玩樂為主。」
話你知
許多家長為了發掘孩子學術以外的潛能，都會替孩子報讀興趣班，但若家庭經濟能力較差，孩子的才華或許會被埋沒。有見及此，香港家庭福利會與機構合作，資助合資格的學童參與興趣課程，有興趣者可瀏覽網站： http://www.hkfws.org.hk keyword：→最新項目→「童」步成長路
其實 PN班在社會上一直有需求，除了有「贏在起跑線」的家長外，其中一個令近年較「爭崩頭」的原因，是出生率與十年前相比，由每年四萬大幅上升至近年八至九萬，令需求急劇上升。
狠心放手 學習成長
曾照顧皓琛八個月的公公回應：「湊咗咁耐，初時梗係唔捨得啦﹗咁細個又未識講嘢就話返學，學得啲咩﹖個孫返咗學之後成日病，有時放學接佢幫佢除口罩時，見佢成面鼻涕，帶佢食下午茶時又狼吞虎嚥，睇見就陰功，都唔知係咪無人理又食唔飽，真係好心痛。」媽咪美賢又何嘗捨得呢﹖不過，她認為：「壞習慣唔好就要改，我相信老師識教，作為家長，想仔女好就要學識放手，加上小朋友病真係避唔到，無得擔心太多。」
眼見皓琛自從返學後，說話表達能力突飛猛進、半年成功戒尿片、自行換褲著鞋等每日小進步，父母亦深感安慰。阿康坦言：「皓琛以前晚晚要哄個半鐘先肯瞓，但返學後生活作息定時有規律，讀咗三個月就肯乖乖自己瞓，我哋先有時間睇吓電視兼做自己嘢。」美賢亦透露：「最開心係學校訓練到佢肯自己食飯，因為學校安排同學圍喺枱食，利用朋輩壓力讓他們互相學習，有次皓琛掛住玩唔食飯，老師知佢識自己食，所以唔會主動餵，最後收起食物，佢先知原來唔食就無人餵，所以第二日即刻乖乖地自己食。你話如果仲係老人家湊，點會捨得餓親個孫呢﹗」
原本怨言多多的公公，亦明顯看到孫兒「大個仔咗」，他笑稱：「佢返學之後講嘢叻咗好多，三歲人仔會問：「點解我啲頭髮黑色，公公啲頭髮白色？」聽到真係笑死我，佢而家又肯自己食飯，最近仲學識揸筷子，大大吓亦無以前咁多病。諗諗吓，其實佢早啲返學都好嘅，等佢同多啲小朋友玩，互相模仿，學嘢都快啲。」
有家長認為 PN班非常有用，但亦有家長覺得根本無需要。 Mandy與丈夫 Ray婚後於一○年誕下女兒恩琳，因夫婦都要外出工作，故將女兒的日常生活交託工人及婆婆照顧。夫婦深明老人家疼錫孫女，縱壞自然少不免，雖然女兒天生性格較慢熱又黐身，有親友建議替恩琳報讀 PN班提早入學，早日接觸群體生活，既可提升自理能力，亦可為爭取心儀幼稚園鋪路，但 Mandy斷言：「我覺得無需要。」
讀足廿年 及時行樂
點解咁大口氣﹖ Mandy認為：「我覺得兩歲咁細個就要返學，真係好辛苦，橫掂遲啲三歲就要讀幼稚園，之後就要一路讀足廿年讀到上大學，咁點解頭三年唔俾佢開開心心咁玩吓先呢﹖」原來 Mandy的理念，曾一度被視為「怪獸家長」，她笑言：「有幾次鄰居知道恩琳兩歲，就問佢响邊度讀書，我答『仲未返學』時，對方即瞪大雙眼表示：『吓，無讀書﹖』，我都唔想同佢解釋咁多，答佢：『係呀，我覺得唔使咁早。』」
爸爸 Ray透露身邊都有不少親戚朋友送子女上 PN班，所以當太太認為囡囡毋須提早入學時， Ray坦言：「我當時都有懷疑係咪真係唔使讀，不過太太好堅持，咁我諗諗吓都同意家教重要過靠學校。」他解釋：「其實 PN班學到嘅，上幼稚園都會學到，你話擔心佢唔識自理，唔識聽指令﹖呢啲都應該响屋企教。只要每日重複教佢，自然會慢慢入腦，例如想佢戒片，我哋就每朝起身叫佢記住尿急的感覺，定時帶佢去廁所，急的時候要出聲，兩歲半已完全戒片；又例如唔准佢入廚房，我哋要解釋有刀有火會危險，雖然佢有時會伸隻腳入嚟試探，但只要次次提，佢就自然唔會入，我哋屋企都唔使裝圍欄。」
慢熱怕醜 總能適應
記者觀察恩琳，發現她進入遊樂場前會乖乖除鞋及整齊放在一旁，其間並無爭先恐後，到快餐店午膳毋須父母餵食，飯後更主動推櫈。 Mandy笑言：「我哋雖然要返工，但放工放假時都會同佢傾偈和同佢玩，陪佢睇故事書教佢 ABC，教佢自己執拾玩具，去完廁所要洗手，出門口同管理員叔叔打招呼，加上我有同佢返教會同報讀 playgroup，多與同齡小朋友和大人相處，所以自理能力同溝通都無問題。」
許多家長都擔心孩子無法考入心儀學校而報讀 PN班，但無提早入學的恩琳，都成功考入名牌幼稚園。上月陪伴囡囡首日 K1上課的 Mandy承認：「我見個女同其他小朋友真係有少少分別，一來佢性格慢熱，二來人哋讀過一年 PN班，對陌生的學校環境無咁驚，老師問問題時會舉手，但恩琳就未咁有反應。不過，小朋友好快就適應啦，我都係堅信我哋嘅決定無錯﹗」
揠苗助長 未贏先輸
香港家庭福利會經理（家庭服務）註冊社工鄭健忠認為：「現時許多家長都要返工，獨留孩子由工人或長輩照顧，每每飯來張口服侍周到，令孩子無論社交及自理學習都缺乏刺激。相反，返 PN班或 playgroup等學前預備班，都可透過遊戲及群體活動，讓幼兒習慣有規律的生活，學習社交禮儀、品德、專注力和情緒管理，以及大、小肌肉的訓練，我本人亦會選擇讓孩子返 PN班。」當然，唔返 PN班，家長亦可自己教，但群體生活可能會較缺乏。鄭舉例：「學校會安排孩子一齊遊戲，就算孩子爭玩具，老師都不會阻止，目的是讓他們明白玩具要分享，以及訓練輪流玩的耐性，若孩子爭玩而出手打人時，老師便會教。當然，家長亦可多帶子女到公園玩接觸同齡孩子，以習慣群體生活。」
有部分 PN班除遊戲學習外，亦會加入學術元素，吸引為了「贏在起跑線」的家長紛紛報讀。鄭健忠笑言：「我聽過有 PN班已經學串英文生字和加減數，有家長認為唔讀就『蝕底』，但其實有外國研究指過早進行正規學習，對孩子日後的學習能力影響不大，相反，若家長見孩子吸收能力較慢而加以催谷或反應過大，反會對孩子構成無形壓力，孩子或會抗拒返學、發噩夢及賴尿等情緒反應，所以，為免減低孩子的求學興趣，家長應循序漸進，替孩子報讀 PN班時，要先了解學校課程，緊記應以玩樂為主。」
話你知
許多家長為了發掘孩子學術以外的潛能，都會替孩子報讀興趣班，但若家庭經濟能力較差，孩子的才華或許會被埋沒。有見及此，香港家庭福利會與機構合作，資助合資格的學童參與興趣課程，有興趣者可瀏覽網站： http://www.hkfws.org.hk keyword：→最新項目→「童」步成長路
其實 PN班在社會上一直有需求，除了有「贏在起跑線」的家長外，其中一個令近年較「爭崩頭」的原因，是出生率與十年前相比，由每年四萬大幅上升至近年八至九萬，令需求急劇上升。
