報章：蘋果日報
網址：報導原文網址
上月28日，32歲的阿漢替居於粉嶺村屋的外婆家修葺樹木，不慎遭電鋸鋸斷左手臂，經搶救後執番條命的阿漢，本身是單親爸爸，獨力撫育一名11歲女兒，靠做運輸養起頭家。意外後，女兒要交託父母照顧。
記者：陳詩雅
完成接駁斷臂手術的阿漢，半夜仍會痛醒，睡得不好，「𠵱家隻手無感覺，有啲痹，仲有少少『嗱』住痛。」阿漢在病榻上最掛心不是自己病情，而是女兒的日後生活。同是做運輸的漢父說：「我哋做運輸嘅都喺餐搵餐食，打工仔收入都係有限公司，冇乜錢。」
眼見爸爸受傷臥在病床，乖巧的女兒探病時總會幫爸爸按摩手指，鬆鬆筋骨。親情似令阿漢麻痹的左手拾回知覺。漢父轉述醫生所指，兒子康復進度視乎傷口復原，或需再做手術，估計需要兩、三年時間才能康復。
帶子洪郎的故事感動善長李小姐，她捐出兩萬元助阿漢解決生活難關，「唔知點解我好感動，佢好心幫婆婆整理個屋企先鋸到自己受傷，咁孝順令我感動，加上佢有個女要養，好想幫助吓佢！」蘋果日報慈善基金將轉交善款予漢父，他感謝善長的幫忙，並希望各界伸出援手，「等阿漢捱過呢一、兩年，康復後可以自食其力」。
【相關新聞】硬淨鋸樹男 清醒進行7小時手術 痛爆駁回斷臂
http://bit.ly/1nIreWD
