報章：明報
網址：報導原文網址
「性別定型」仍普遍，香港基督教女青年會最近出咗本書，名為《白雪王子與白馬少女》（圖），將白雪公主嘅故事，顛覆成王子擅長烹飪同做家務，公主擅於打獵，王子因受唔住父王嘅體能訓練離家出走，但幫小矮人打掃屋企就得到讚賞，最後大團圓結局。
女青婦女事工服務註冊社工蘇嘉儀話，聽過有男仔因鍾意玩煮飯仔或玩換衫公仔，被家長阻止，之後變得被動、影響社交技巧，提醒家長要尊重仔女嘅本質。女青紹邦幼兒學校校長馮如意鼓勵家長善用遊戲或故事書，引導仔女建立兩性平等觀念，如有啲故事書總係顯示女方做家務，家長就要話畀仔女知，現實中每個家庭成員都可分擔責任。呢本書由平機會贊助，印咗800本，現於女青中心派發，詳情可致電3443 1600查詢。
另外，牛津大學出版社聯同教育學院幼兒教育學系助理教授黃國成，訪問咗950個有6歲或以下幼兒及外傭嘅中產家庭，發現唔少家長擔心外傭嘅英文對小朋友有負面影響，以7分係最擔憂，擔心外傭文法唔啱嘅平均有3.88分，擔心發音唔準就有3.68分。黃國成就話唔使擔心，工人姐姐同小朋友用英文溝通，其實可以增加小朋友運用英文嘅機會。
女青婦女事工服務註冊社工蘇嘉儀話，聽過有男仔因鍾意玩煮飯仔或玩換衫公仔，被家長阻止，之後變得被動、影響社交技巧，提醒家長要尊重仔女嘅本質。女青紹邦幼兒學校校長馮如意鼓勵家長善用遊戲或故事書，引導仔女建立兩性平等觀念，如有啲故事書總係顯示女方做家務，家長就要話畀仔女知，現實中每個家庭成員都可分擔責任。呢本書由平機會贊助，印咗800本，現於女青中心派發，詳情可致電3443 1600查詢。
另外，牛津大學出版社聯同教育學院幼兒教育學系助理教授黃國成，訪問咗950個有6歲或以下幼兒及外傭嘅中產家庭，發現唔少家長擔心外傭嘅英文對小朋友有負面影響，以7分係最擔憂，擔心外傭文法唔啱嘅平均有3.88分，擔心發音唔準就有3.68分。黃國成就話唔使擔心，工人姐姐同小朋友用英文溝通，其實可以增加小朋友運用英文嘅機會。
