報章：蘋果日報
網址：報導原文網址
父母安排子女參加baby gym或兒童體適能課程，希望子女玩樂之餘鍛煉身體。有物理治療師表示，幼兒四肢及腦部，隨年齡有不同發展，父母應按子女年齡選擇課程，如一歲至一歲半主要訓練感官，一歲半至兩歲才多跳多行來訓練大肌肉。若課程要求小孩的動作太艱深，一歲就玩單槓、兩歲要翻觔斗，都容易令孩子受傷。
記者：陳沛冰
協康會註冊物理治療師葉舒娜表示，父母安排子女參加體適能課程有不同原因，如發現子女動作較「論盡」而多些訓練，想子女學習與其他兒童相處或聽從指令等。父母應按子女年齡，選擇合適課程。
她指，一歲至一歲半幼兒應多訓練感官系統，「可以玩多啲觸感嘅嘢，摸唔同物質。我哋會畀一碗未煮嘅通粉佢，叫佢搵番入面啲玩具出嚟。或者玩泡泡水、剃鬚膏」。由於一至歲半孩子剛學行，不應有太多行及跑的動作；但可多爬行，加強手腳及腦部協調。
一歲半至兩歲幼兒已懂行，可多訓練大肌肉，如玩雙腳跳，行很矮的平衡木；或由父母抬起雙腳，子女用手在地爬。人內耳其中一個器官叫「前庭」，負責平衡力及專注力，玩氹氹轉及盪韆鞦可刺激前庭。
葉指，她會安排兒童在課堂中玩氹氹轉，然後拿起花朵走數步放入花樽，訓練專注力，「好多小朋友𠵱家掛住望電子產品，唔望周圍嘅嘢，所以要提醒佢哋點樣用眼睛」。
四歲才可翻觔斗
兩至三歲兒童可嘗試解決難題，給他們多些探索及解難動作，「將個平衡木打橫放高啲，要佢哋諗辦法跨過去，有啲小朋友一嚟就捉住父母，有啲小朋友會自己諗方法爬過去。又或者擺啲障礙物，要佢哋好似軍人咁喺下面爬過去，希望可以刺激佢哋諗另一個方法爬過去」。
葉舒娜表示，坊間不少幼兒體適能課程內容過火，如兩歲兒童由職員扶住，嘗試打側手翻或翻觔斗；或由職員抱起一歲兒童，舉起雙手拿着單槓。她指，四歲或以上兒童才可嘗試翻觔斗，小學才學側手翻，否則肌肉及骨骼未能承受有關力度，容易受傷。「實際上要人幫，唔係自己做到，做嚟冇意思」。
家長選擇課程時，要視乎導師是否有專業知識，「唔好貪啲器材」。幼兒參加課程時最重要是開心，「係畀小朋友玩，咁先可以令佢哋有自信」。
記者：陳沛冰
協康會註冊物理治療師葉舒娜表示，父母安排子女參加體適能課程有不同原因，如發現子女動作較「論盡」而多些訓練，想子女學習與其他兒童相處或聽從指令等。父母應按子女年齡，選擇合適課程。
她指，一歲至一歲半幼兒應多訓練感官系統，「可以玩多啲觸感嘅嘢，摸唔同物質。我哋會畀一碗未煮嘅通粉佢，叫佢搵番入面啲玩具出嚟。或者玩泡泡水、剃鬚膏」。由於一至歲半孩子剛學行，不應有太多行及跑的動作；但可多爬行，加強手腳及腦部協調。
一歲半至兩歲幼兒已懂行，可多訓練大肌肉，如玩雙腳跳，行很矮的平衡木；或由父母抬起雙腳，子女用手在地爬。人內耳其中一個器官叫「前庭」，負責平衡力及專注力，玩氹氹轉及盪韆鞦可刺激前庭。
葉指，她會安排兒童在課堂中玩氹氹轉，然後拿起花朵走數步放入花樽，訓練專注力，「好多小朋友𠵱家掛住望電子產品，唔望周圍嘅嘢，所以要提醒佢哋點樣用眼睛」。
四歲才可翻觔斗
兩至三歲兒童可嘗試解決難題，給他們多些探索及解難動作，「將個平衡木打橫放高啲，要佢哋諗辦法跨過去，有啲小朋友一嚟就捉住父母，有啲小朋友會自己諗方法爬過去。又或者擺啲障礙物，要佢哋好似軍人咁喺下面爬過去，希望可以刺激佢哋諗另一個方法爬過去」。
葉舒娜表示，坊間不少幼兒體適能課程內容過火，如兩歲兒童由職員扶住，嘗試打側手翻或翻觔斗；或由職員抱起一歲兒童，舉起雙手拿着單槓。她指，四歲或以上兒童才可嘗試翻觔斗，小學才學側手翻，否則肌肉及骨骼未能承受有關力度，容易受傷。「實際上要人幫，唔係自己做到，做嚟冇意思」。
家長選擇課程時，要視乎導師是否有專業知識，「唔好貪啲器材」。幼兒參加課程時最重要是開心，「係畀小朋友玩，咁先可以令佢哋有自信」。
